ملائیشیا نے سیاحت کے فروغ کے لیے سرگرم روابط تیز کر دیے

کراچی: ٹورزم ملائشیا نے پاکستان ٹریول مارٹ 2026 (پی ٹی ایم 2026) کے دوسرے روز کراچی میں بھرپور شرکت جاری رکھتے ہوئے پاکستان کے ٹریول سیکٹر ک...

کراچی: ٹورزم ملائشیا نے پاکستان ٹریول مارٹ 2026 (پی ٹی ایم 2026) کے دوسرے روز کراچی میں بھرپور شرکت جاری رکھتے ہوئے پاکستان کے ٹریول سیکٹر کے ساتھ اپنے تعلقات کو مزید مضبوط بنانے کے عزم کا اعادہ کیا ہے۔

کراچی ایکسپو سینٹر میں منعقد ہونے والی اس بین الاقوامی نمائش کے دوران ملائیشیا پویلین شرکاء اور وزیٹرز کی توجہ کا مرکز بنا رہا، جہاں سیاحت سے متعلق مختلف مواقع، جدید رجحانات اور ثقافتی پہلوؤں کو اجاگر کیا گیا۔ اس سال ایونٹ کا مرکزی موضوع “شیپنگ دا فیوچر آف ٹریول: انوویشن, سسٹین ایبیلیٹی اینڈ گلوبل کنیکٹی ویٹی” رکھا گیا، جس کے مطابق ملائیشیا نے اپنی سیاحتی حکمت عملی کو پیش کیا۔

اس موقع پر کراچی میں تعینات ملائیشیا کے قونصل جنرل ہرمن ہردیناتا احمد، ٹورازم ملائیشیا کے ڈائریکٹر محمد فخر الدین ہیثمین اور ڈپٹی ڈائریکٹر موہانا مورنی شنموگم بھی موجود تھے، جن کی شرکت نے دونوں ممالک کے درمیان سیاحتی تعاون کو فروغ دینے کے عزم کو مزید واضح کیا۔

ٹورازم ملائیشیا کے وفد میں آٹھ مختلف سیاحتی ادارے شامل تھے، جنہوں نے بزنس ٹو بزنس (بی 2 بی) میٹنگز، نیٹ ورکنگ سیشنز اور میڈیا انٹریکشنز میں فعال شرکت کی۔ ان سرگرمیوں کا مقصد پاکستان کے ٹریول مارکیٹ کے لیے موزوں ٹریول پیکجز تیار کرنا، ڈسٹری بیوشن پارٹنرشپس کو مضبوط بنانا اور نئی مارکیٹوں جیسے ایم آئی سی ای (میٹنگز, انسینٹیوز, کانفرنسز, ایگزیبیشنز)، تعلیمی سیاحت، تفریحی سیاحت اور حلال فرینڈلی ٹورازم کو فروغ دینا تھا۔

مزید برآں، پویلین میں مختلف پریزنٹیشنز اور عوامی آگاہی مہمات بھی منعقد کی گئیں، جن میں ملائیشیا کے سیاحتی مقامات، براہ راست فضائی رابطوں اور پاکستانی ٹریول پارٹنرز کے ساتھ مشترکہ مارکیٹنگ اقدامات کو اجاگر کیا گیا۔ یہ تمام اقدامات “وزٹ ملائیشیا 2026 (وی ایم2026)” مہم کے اہداف کو حاصل کرنے کے لیے اہم قرار دیے جا رہے ہیں۔

نمائش کے دوران روایتی ملائیشین ثقافتی پرفارمنسز نے بھی شرکاء کی توجہ حاصل کی، جس کے ذریعے ملائیشیا کی کثیر الثقافتی ورثے کو پیش کیا گیا۔ ان ثقافتی سرگرمیوں نے نہ صرف ماحول کو رنگین بنایا بلکہ پاکستان کے ٹریول انڈسٹری اور عوام میں ملائیشیا کے سیاحتی مقام کی کشش کو بھی بڑھایا۔

پاکستان اور ملائیشیا کے درمیان سیاحت کے شعبے میں تعاون میں حالیہ برسوں میں اضافہ ہوا ہے، اور ایسے ایونٹس دونوں ممالک کے درمیان بزنس اور ٹورازم روابط کو مزید مستحکم کرنے میں اہم کردار ادا کرتے ہیں۔ خاص طور پر حلال سیاحت اور تعلیمی سفر کے شعبے پاکستانی سیاحوں کے لیے خاص دلچسپی کا باعث بن رہے ہیں۔

ٹورازم ملائیشیا کے حکام نے اس موقع پر بتایا کہ کراچی کے بعد اسلام آباد میں 7 اور 8 اپریل کو ایک خصوصی روڈ شو بھی منعقد کیا جائے گا، جس میں مزید بزنس مواقع تلاش کیے جائیں گے اور سیاحتی روابط کو وسعت دی جائے گی۔