پتراجایا: محکمہ امیگریشن ملائشیا نے یکم جنوری سے 19 فروری تک ملک بھر میں 1,855 نفاذی کارروائیاں کیں جن میں 30,177 افراد کی جانچ پڑتال کی گئی...
پتراجایا: محکمہ امیگریشن ملائشیا نے یکم جنوری سے 19 فروری تک ملک بھر میں 1,855 نفاذی کارروائیاں کیں جن میں 30,177 افراد کی جانچ پڑتال کی گئی اور مجموعی طور پر 7,043 غیر قانونی تارکین وطن کو حراست میں لیا گیا۔
امیگریشن کے مطابق سب سے زیادہ مقدمات امیگریشن ایکٹ 1959/63 کی دفعہ 6(1)(c) کے تحت درج ہوئے، جس میں 4,804 افراد بغیر درست پاس یا سفری دستاویز کے ملک میں پائے گئے۔ مزید 1,250 افراد کو مقررہ مدت سے زیادہ قیام پر دفعہ 15(1)(c) کے تحت گرفتار کیا گیا، جبکہ 806 افراد کو پاس کی شرائط کی خلاف ورزی پر گرفتار کیا گیا۔ دیگر 183 مقدمات مختلف نوعیت کے تھے۔
گرفتار افراد میں سب سے زیادہ تعداد انڈونیشیا، میانمار، بنگلہ دیش، فلپائن، تھائی لینڈ، پاکستان، بھارت اور چین کے شہریوں کی تھی۔
امیگریشن حکام نے کہا کہ قانون نافذ کرنے کی کارروائیاں مسلسل اور مربوط انداز میں جاری رہیں گی۔ عوام سے بھی اپیل کی گئی ہے کہ امیگریشن قوانین کی خلاف ورزی سے متعلق معلومات حکام تک پہنچائیں۔
COMMENTS