چینی نئے سال کی تقریب ملی یکجہتی کی عکاس، وزیر اعظم

کوالالمپور: ملائیشیا کے وزیر اعظم انور ابراہیم نے کہا ہے کہ چینی نئے سال کی تقریبات مختلف قومیتوں کے ساتھ مل کر منانے سے قومی یکجہتی مضبوط ہ...

کوالالمپور: ملائیشیا کے وزیر اعظم انور ابراہیم نے کہا ہے کہ چینی نئے سال کی تقریبات مختلف قومیتوں کے ساتھ مل کر منانے سے قومی یکجہتی مضبوط ہوتی ہے۔

انہوں نے کہا کہ وہ ملائیشین چائینیز ایسوسی ایشن کی جانب سے وسما ایم سی اے میں منعقدہ چینی نئے سال کی تقریب میں شرکت کیلئے آئے تاکہ اس تہوار کو تمام ملائیشین کا مشترکہ جشن بنایا جا سکے۔

انہوں نے کہا کہ یہ تقریب خوشی کے ساتھ منائی جاتی ہے اور قومی اتحاد کی علامت ہے۔

وزیر اعظم نے کہا کہ فائر ہارس کے سال کی علامت طاقت اور توانائی ہے جو معیشت اور قومی ترقی کو آگے بڑھانے میں مدد دے سکتی ہے۔

تقریب میں نائب وزیر اعظم احمد زاہد حامدی بھی موجود تھے۔

دیگر معزز مہمانوں میں سابق وزیر اعظم اسماعیل صابری یعقوب، سابق ایم سی اے صدر ٹین کون سوان اور ملائیشیا میں چین کے سفیر اوینگ یوجینگ شامل تھے۔

تقریب کے دوران مہمانوں نے روایتی یی سنگ رسم میں شرکت کی جو خوشحالی اور خوش قسمتی کی علامت ہے۔

چینی قمری کیلنڈر کے مطابق موجودہ سال گھوڑے کا سال ہے جو عزم، ثابت قدمی اور ترقی کی علامت سمجھا جاتا ہے۔