ملائیشیا میں انسانی اسمگلنگ گینگ کا خاتمہ، 37 غیر ملکی گرفتار

سیلانگور میں امیگریشن حکام نے انسانی اسمگلنگ میں ملوث ایک گروہ کا خاتمہ کرتے ہوئے 37 غیر ملکی شہریوں کو گرفتار کر لیا۔ محکمہ امیگریشن ملائشی...

سیلانگور میں امیگریشن حکام نے انسانی اسمگلنگ میں ملوث ایک گروہ کا خاتمہ کرتے ہوئے 37 غیر ملکی شہریوں کو گرفتار کر لیا۔

محکمہ امیگریشن ملائشیا نے سبانگ جایا، سیپانگ اور کلانگ میں تین علیحدہ کارروائیاں کیں، جن کے دوران مشتبہ افراد کو حراست میں لیا گیا۔

پہلی کارروائی صبح تقریباً 11 بج کر 6 منٹ پر سبانگ جایا کے ایک گودام میں کی گئی جہاں آٹھ چینی شہری گرفتار ہوئے۔ ان میں ایک مرد اور سات خواتین شامل تھیں۔ حکام کے مطابق انہیں پاس کے غلط استعمال اور درست سفری دستاویزات نہ رکھنے کے شبہ میں حراست میں لیا گیا۔

دیگر دو کارروائیوں میں مزید غیر ملکیوں کو پکڑا گیا، جس کے بعد مجموعی تعداد 37 تک پہنچ گئی۔ تمام گرفتار افراد سے تفتیش جاری ہے تاکہ اسمگلنگ نیٹ ورک کے دیگر ارکان اور سرگرمیوں کے بارے میں معلومات حاصل کی جا سکیں۔

امیگریشن حکام نے کہا ہے کہ غیر قانونی داخلے، قیام اور دستاویزات کے غلط استعمال کے خلاف کارروائیاں جاری رہیں گی اور کسی کو بھی قانون سے بالاتر نہیں سمجھا جائے گا۔