مشرقِ وسطیٰ میں حملوں اور جوابی کارروائیوں کے بعد ایشیا پیسیفک کے کئی ممالک میں فضائی سفر شدید متاثر ہوا۔ ایران کی جانب سے میزائل حملوں کے ب...
مشرقِ وسطیٰ میں حملوں اور جوابی کارروائیوں کے بعد ایشیا پیسیفک کے کئی ممالک میں فضائی سفر شدید متاثر ہوا۔ ایران کی جانب سے میزائل حملوں کے بعد متعدد ممالک نے فضائی حدود محدود کر دیں جس کے باعث پروازیں منسوخ، رخ تبدیل اور مسافر مختلف ہوائی اڈوں پر پھنس گئے۔
پاکستان میں پی آئی اے نے متحدہ عرب امارات، بحرین، کویت اور قطر کے لیے پروازیں معطل کر دیں جبکہ سعودی عرب جانے والی پروازوں کا رخ تبدیل کیا گیا۔ ملائشین ایئرلائنز نے دوحہ، جدہ اور مدینہ کے لیے پروازوں کی معطلی میں توسیع کر دی۔
بھارت میں حکام نے تقریباً 350 پروازیں منسوخ کر دیں جبکہ مسافروں کو نئی سفری ہدایات جاری کی گئیں۔ ہانگ کانگ کے بین الاقوامی ہوائی اڈے پر مسافروں کی بڑی تعداد معطل پروازوں کے بارے میں معلومات کے لیے جمع رہی۔ کیتھے پیسیفک نے مشرقِ وسطیٰ کے لیے تمام پروازیں عارضی طور پر روک دیں۔
متعدد ایشیائی حکومتوں نے شہریوں کو سفر میں احتیاط کی ہدایت دی۔ کچھ ممالک نے مشرقِ وسطیٰ جانے والے کارکنوں کے لیے اجازت نامے عارضی طور پر روک دیے جبکہ کئی ممالک نے اپنے شہریوں کی حفاظت کے اقدامات تیز کر دیے۔
فضائی سفر میں یہ خلل اس وقت سامنے آیا جب خطے میں عسکری کشیدگی میں اضافہ ہوا اور فضائی حدود کی بندش نے بین الاقوامی پروازوں کے معمول کو متاثر کر دیا۔
COMMENTS